Ginpaidalom sa heightened alert sang Department of the Interior and Local Government (DILG) ang local government units (LGUs) samtang malapit na lang ang Super Typhoon “Bavi” sa Philippine Area of Responsibility (PAR).
Partikular nga ginatumod diri ang mga lugar sa Northern Luzon kag iban pa nga high-risk areas.
Ginpahayag sang Philippine Atmospheric, Geophysical and Astronomical Services Administration (PAGASA) nga ginalauman nga magasulod si “Bavi” sa PAR sa tunga-tunga sang Martes sang gab-i kag kaagahon sang Myerkules, kag hatagan sang local name nga “Inday.”
Una diri, ginpahayag ni Palace press officer Castro nga nagmandu na si President Ferdinand Marcos Jr. sa National Disaster Risk Reduction and Management Council kag sa tanan nga relevant agencies nga magpatuman sang whole-of-government response antes magsulod si Bavi sa PAR.
Ginamanduan ang mga LGU nga mag-monitor sang opisyal nga weather updates, i-activate ang emergency response teams kun kinahanglan, tumuron ang high-risk areas, kag maghanda para sa possible evacuations.
Dugang pa, ginmanduan ang local leaders nga maghanda sang rescue equipment kag relief supplies, kag siguraduhon nga nakahanda ang evacuation centers para sa apektado nga mga residente.
