Gin-anunsiyo sang Palestinian Islamist movement nga Hamas ang pagbuwag sang committee nga nagadumala sa Gaza Strip sa sulod sang halos duha ka dekada, bilang kabahin sang plano para sa pagbalhin sa isa ka technocratic committee nga magapatuman sang civilian governance.
Ang tikang nagasumaryo sang dako nga pagbag-o sa sistema sang pagdumala sang Gaza, nga gingiyahan sang Hamas umpisa sang 2007 matapos nila makontrol ang teritoryo halin sa Palestinian movement nga Fatah, kasunod sang ila kadalag-an sa eleksyon.
Suno sa Hamas, ang desisyon nagaangot kasunod sang nagapadayon nga ceasefire sa Gaza halin Oktubre 2025, kun sa diin ginpahayag sang grupo nga preparado sila nga mag-limita sang ila papel sa day-to-day governance, bisan pa nga wala pa naresolba ang isyu sang ila disarmament ukon pagdisarma.
Ginpahayag ni Ismail al-Thawabta, lider sang Hamas government media office, nga nag-resign na si Mohammed al-Farra bilang head sang emergency committee sang gobyerno.
Gin-anunsiyo man nga ang pag-dissolve sang committee nagatuyo nga mapadasig ang administrative kag governmental transition pakadto sa National Committee for the Administration of Gaza (NCAG).
