Nanawagan si Sultan Kudarat Governor Datu Pax Ali Mangudadatu sa mga Pilipino nga mangin informed, bukas ang paminsaron, kag tugutan nga mapadayon ang impeachment process suno sa ginapatuman sang layi.
Suno sa gobernador, personal niya nga luyag nga wala na lang sang impeachment bangud nagatuga ini sang dibisyon indi lamang sa mga senador kag opisyal sang gobyerno, kundi pati sa publiko kag mga supporters sang nagkalainlain nga kampo.
Apang ginpabutyag niya nga samtang nagapadayon ang impeachment trial, importante nga magpabilin nga mapagmatyag ang katawhan kag tutukan ang proseso.
Bangud sini, ginpangabay man ni Mangudadatu sa publiko nga indi mangin “blind supporters,” kundi lantawon ang mga ebidensya kag ang kamatuoran antes maghimo sang kaugalingon nga paghukom.
