Ginpasiguro sa subong sang pamunuan sang Office of the Civil Defence (OCD-XII)ang ila padayon nga pagpasalig sa preparasyon kag pagbangon halin sa mga kalamidad nga na-eksperyensiyahan labi pa sang naglabay nga 7.8 Magnitude nga linog nga nagtay-og sa rehiyon.
Ini ang ang hatagan sang ligwa ni Rodrigo Sosmeña Regional director OCD XII/Chair RDRRMC sa ekslusibo nga interview sang Bombo Radyo Koronadal.
Ginhatagan sini sang ligwa ang importansya sang maayo nga koordinasyon sa tunga sang mga nasyonal nga ahensya, mga lokal nga gobyerno (LGUs), kag mga partner halin sa pribado nga sektor sa isa ka bag-o lang nga pagsinapol angot sa disaster management kag ang padayon nga pagbangon sang Rehiyon sa mga naeksperyensiyahan nga mga kalamidad sa bulig san isa kag isa.
Dugang pa sini, ang rehiyon amo ang ginpili nga mangin assisting region kun matabo ang magnitude 7.2 nga linog sa Greater Manila Area sa din ini magahatag sang bulig sa mga lokal nga panguluhan sang Pasay kag Marikina.
Bangud sang eksperyensya sa pagresponde sa nagligad nga magnitude 7.8 nga linog, handa ang rehiyon nga magbahin sang ila mga nahibaluan kag epektibo nga pamaagi sa iban pa nga mga lugar nga mahimo maapektuhan sang kaangay nga kalamidad.
Suno sa opisyal, ang epektibo nga koordinasyon ang labing importante nga elemento agud mangin madinalag-oon ang pagresponde sa kalamidad.
Ginpabutyag man sini nga ang masangkad kag maayo nga pagplano, nga ginasuportahan sang lokal kag nationa nga liderato, nagabulig sa mga ahensya nga preparahan ang posible nga mga problema kag makabutang sang klaro nga mga tikang antes pa matabo ang emerhensya.
