Na-rescue sang Philippine Coast Guard (PCG) sa Biliran ang tatlo ka manugpangisda halin sa Daanbantayan, Cebu matapos magbaliktad ang ila sakayan bangud sang mabaskog nga hangin kag mabaskog nga balod sa kadagatan sa bahin sang Maripipi, Biliran.
Nakita sang pila ka crew sang isa ka resort sa Sambawan Island ang tatlo ka manugpangisda nga nagapalutaw-lutaw sa dagat samtang nagapatigayon sila sang pagbantay, gani gilayon sila nga nagbulig paagi sa paghatag sang mga salbabida.
Ginkilala sang PCG ang mga narescue nga sanday alyas Edgar, Joey kag Denis, nga tanan residente sang Daanbantayan, Cebu.
Suno kay Lieutenant Junior Grade Laurito Jr. Rabaya sang PCG District Eastern Visayas, naglab-ot sa halos 29 ka oras nga nagpalutaw-lutaw sa kadagatan ang tatlo ka manugpagisda antes sila gilayon ngan narescue.
Nagpangayo man sang dugang nga bulig sa PCG ang mga crew sang resort agud masiguro ang luwas nga pagdala sa mga manugpangisda pakadto sa Maripipi.
Sa karon, yara na sa luwas nga kahimtangan ang tatlo ka manugpangisda kag sa subong yara na sa pag-atipan sang mga otoridad.
