-- ADVERTISEMENT --

Malipayon nga gin-anunsyo sang Department of Tourism (DOT) ang maayo nga baligya sang mga lokal nga negosyante sa micro, small and medium enterprises (MSME) hub nga nahamtang sa ASEAN International Media Center sa World Trade Center, Pasay City.

Suno sa DOT, halin sang nag-soft opening ini sang Nobyembre 11, nakalikom na ang mga negosyante sang masobra P900,000 nga baligya.

Ginatawag ang hub nga “Philippine Experience”, amo ang ginpatigayon sang DOT kaupod ang Presidential Communications Office (PCO) agud ipakita sa mga bisita ang nagkalain-lain nga lokal nga produkto kag pagkaon halin sa Luzon, Visayas kag Mindanao.

Suno kay Tourism Secretary Dita Angara-Mathay, isa ini ka daku nga oportunidad para mapakilala sa internasyonal nga merkado ang mga produkto kag talento sang mga Pilipino bangud sa pag-host sang Pilipinas sang ASEAN.

Ginpahayag man niya nga ini ang isa sa mga paagi agud masiguro nga magamit ang ASEAN hosting sa pagpalapnag sang lokal nga produkto kag paghatag sang dugang nga oportunidad sa mga negosyo sa pungsod.