Padayon nga nagakahuyang ang piso batok sa dolyar matapos napagkit sang Marso 12, 2026 ang P59.38 kada US dollar, isa sa pinakamahuyang nga lebel sini subong nga tuig.
Suno sa mga bangko kag financial monitoring firms, mataas gihapon ang demand para sa dolyar bangud sang mabaskog nga ekonomiya sang Estados Unidos kag mas mataas nga interest rates sini.
Sa Pilipinas, ang paghuyang sang piso nga nagtuga sang pagsaka sang presyo sang mga imported nga produkto, labi na ang gatong, nga may direkta nga epekto sa pamasahe kag iban pa nga balaklon.
Base sa datos, nakaabot ang dolyar sa P59.50 sang Enero 14 kag nagnubo sa P57.53 sang Pebrero 25 antes liwat nga nagkusog subong nga Marso.
Ang average exchange rate subong nga tuig yara sa P58.71, ukon 0.86% mas mataas kumpara sang nagligad nga tuig.
