Ginpahayag ni PCG Spokesperson Rear Admiral Roy Vincent Trinidad nga ang tatlo ka Pilipino nga na-aresar para sa espionage activities angot sa China nakabaton sang dako nga bayad, lakip ang bonus.
Suno sa iya, ang bayad ginapadala paagi sa digital wallets ukon food couriers.
Nahibaluan nga nakabatyag sang konsensya ang isa sa mga espiya matapos makita ang insidente sa pagbangga sang China sa PCG nga barko, kag isa ka Navy officer ang nagsugid matapos tinguhaan nga i-recruit sang foreigner para maghatag sang impormasyon.
Nagpadayon ang recruitment sa mga navy personnel sa kasubong nga oras nga nabisto ang espionage activities sang China, lakip na ang Palawan 5 case.
Suno sa NSC, nauntat na ang mga operasyon kag nakilala ang mga Pilipino nga naulamid paagi sa secret communications usar ang gaming app.
Samtang, hugot nga ginpanginwala sang Chinese Embassy ang alegasyon nga ang China naga-usar sang mga Pilipino para sa espionage sa Pilipinas.
