Masobra 1,000 ka Japanese military personnel ang makigbahin sa masunod nga Balikatan Exercises 2026.
Suno kay AFP Deputy Chief of Staff for Plans MGen. Rommel Cordova, isa ini sa pinakalapad nga military exercises sa maragtas sang Balikatan bangud indi lamang pwersa sang Pilipinas kag Estados Unidos ang makigbahin sa paghanas.
Luwas sa Japan, makigbahin man ang mga suldado halin sa Australia, Canada, New Zealand, kag France, samtang ginatapos pa ang partisipasyon sang tubtob 18 pa ka mga pungsod bilang observers.
Nakatalana nga himuon ang military exercises halin Abril tubtob Mayo 2026, samtang padayon ang mga preparasyon para sa nasambit nga simulation.
Madumduman nga ngalab-ot sa 14,000 ka mga suldado halin sa Pilipinas, Estados Unidos, Australia, kag Japan ang nakigbahin sa serye sang mga paghanas sang Balikatan 2025.
Ini man ang una nga higayon nga makigbahin ang Japan sa dako nga military simulation matapos mapirmahan ang Reciprocal Access Agreement (RAA) sa tunga sang Japan kag Pilipinas.
