-- ADVERTISEMENT --
Nadiskubre nga nag-umpisa ang aktibidad sang pag-espiya nga konektado sa China antes ang provisional agreement sa tunga sang China kag Pilipinas sang 2024.
Suno kay National Security Adviser Eduardo Año, pila ka kaso ang gina-imbestigaran nga madugay na nagluntad, kag padayon ang pagpangita sang leads.
Nakumpirmar man ni Año nga gin-untat na ang mga operasyon matapos mabuyagyag ang pag-espiya.
Ginpahayag man ni Año ang may kaangtanan sa pagdumili sang embahada sang China sa isa ka diplomatiko nga pakig-angot apang nagbalibad man siya nga maghatag sang dugang nga detalye may kaangtanan sa isyu.
Gindugang pa nga ang na-leak na impormasyon ang sensitibo apang indi top secret kag wala pa sang seryosong pamahog sa national secuity.
