-- ADVERTISEMENT --
Masobra 1,000 ka mga Filipino workers nga padulong sa Middle East ang na-stranded sa mga airports sa tunga sang tensyon sa rehiyon suno sa Overseas Workers Welfare Administration (OWWA).
Suno kay OWWA Administrator Patricia Yvonne Caunan, nabuligan sang ahensya ang 768 ka mga Pinoy sa Ninoy Aquino International Airport Terminal 1 kag 3 matapos ginkanselar ang ila flights.
Halos 100 naman ka mga Pinoy ang kinahanglan nga buligan sa Clark International Airport.
Ginbuligan man sang mga otoridad ang 132 ka East-bound Filipinos sa Hong Kong International Airport, kag 33 ka mga indibidwal sa Changi International Airport sa Singapore.
