Mangin dako ang benepisyo indi lang sang mga estudyante kundi mangin man sa mga manunudlo ang Trimestral System nga ginaduso sa subong sang Department of Education.
Ini ang nangin pahayag ni Kimberly Mae Lataquin Agpalsa, Alternate Regional Inforamation Officer, DEPED Region 12 sa interview sang Bombo Radyo Koronadal.
Suno sa iya, ang primary nga tumong sini amu ang ibalhin sa tatlo ka quarters ang anay nga apat ka quarter sa isa ka school year.
Ginhimo ini agud nga mapadayon ang learning continuity, mahatagan sang tion ang mga manunudlo agud nga mangin husto ang panahon pagkreer sang lesson plan, assessment kag pagbulig man sa mga estudyante nga naga ka-eksperyensiyar man ang learing gaps.
Dugang pa sini, nga ang target sang sini nga sistema amu ang mas mangin epektibo pagid ang tudlo sang mga manunudlo kag mas makakat-on pagid ang mga learners.
Madumduman nga ginpahayag sang Malacañang nga mas maayo kun makapatigayon sang public consultations angot sa plano nga pag-implementar sang isa ka trimester system para sa school year 2026-2027.
Suno kay Palace Press Officer Undersecretary Atty. Claire Castro, mas maayo kun ini ang maistoryahan sang mga stakeholders kag intersted parties agud mahatag ang pinakamaayo nga programa para sa mga kabataan.
Dugang pa ni Castro nga mas maayo kun magpatigayon sang dugang nga pagtuon angot sa sini nga proposal.
Ginpahayag sang Department of Education nga kabahin sang isa ka “holistic approach” ang plano nga pag-implementar sang trimester system agud mabalanse ang pagmanage sang tiyempo sang mga estudyante.
Ang una nga term ang patigayunon sa Hunyo tubtob Setyembre, ang second term halin Setyembre tubtob Disyembre, kag ang final term ang halin Enero tubtob Marso.
