Gintinguhaan sang defense team ni Vice President Sara Duterte nga balabagan ang pagtestigo ni Atty. Ronel U. Buenaventura, Executive Director sang Anti-Money Laundering Council (AMLC), sa impeachment trial subong nga adlaw, Oktubre 5, 2026.
Suno kay defense counsel Atty. Mark Vinluan, indi dapat tugutan si Buenaventura nga magtestigo bangud ang mga impormasyon nga mahimo niya ihatag posible nga maglapas sa confidentiality nga ginaproteheran sang Anti-Money Laundering Act.
Apang para sa private prosecutor nga si Atty. Mae Divinagracia, wala sang igo nga basehan agod i-exclude ang witness.
Suno sa iya, naga-assume pa lang ang depensa nga magapahayag si Buenaventura sang confidential nga impormasyon bisan wala pa magsugot kag mapamatian ang iya aktuwal nga testimonya.
Sa ulihi, nagpagwa sang ruling si Presiding Officer Chiz Escudero kag ginbasura ang petisyon sang depensa, nga naghatag sang dalan para sa pagtestigo sang AMLC official.
