Ginakabig sang isa ka estudyante nga sala ang nangin pahayag ni Sen. Robin Padilla bangud lain-lain ang perspektibo sang kada tagsa nga henerasyon.
Sa interview sang Bombo Radyo Koronadal, ginpahayag ni Larry Sola – Estudyante sang Golden State Collge, nga indi husto ang nangi pahayag sang senador bangud mas aware ukon may ihibalo ang henerasyon subong angot sa mental health kumpara sang una.
Ginpahayag man niya nga mas nagadamo ang mga naga-eksperyensya sang pressure sa nagkalin-lain nga aspeto sang aton kabuhi kag indi makabulig ang mga pahayag nga insensitive kasubong kay Sen. Padilla.
Samtang, ginpahayag man ni Sola nga makabulig nga mabuhinan ang kabug-aton sang ginabatyag kun ipakigbahin ini sa mga pamilya kag abyan.
Bangud sini, nagpanawagan si Sola sa kasubong niya nga kabataan kag estudyante nga mapabilin nga positibo sa tunga sang mga problema sang kabuhi kag magpangayo bulig kag suporta sa pamilya kag mga abyan.
