Nagapangalipay si President Ferdinand Marcos Jr., matapos nga ginbasura sang House Committee on Justice ang duha ka impeachment complaints batok sa iya.
Suno kay Malacañang Palace Press Officer Claire Castro, nga gina-abi-abi sang administrasyon ang desisyon sang panel nga ideklarar ang duha ka mga impeachment complaints nga “insufficient in substance”.
Pahayag ni Castro, nga ang amo nga tikang nagapakita lang nga nagasunod ang mga mamalidha sa due process.
Dugang pa niya, nga ginpahibalo nila ang presidente sa desisyon sang panel samtang nga nagatambong ini sang duha ka mga events kag wala ini nakalantaw sang proceedings.
Suno sa Palace official, nga nagapanindugan ang Presidente nga wala sia magkomiter sang impeachable offense kag kumpyansa ini sa mangin resulta sang hearing.
Ang duha ka mga reklamo batok kay Marcos nga separado nga gin-file sang abogado nga si Andre de Jesus kag sang mga aktibista ang nagaduso nga kakason ang presidente sa pwesto bangud sang flood control scandal kag unprogrammed appropriations.
Ginmensyonar man ni De Jesus sa iya reklamo ang pag-aresto kay former president Rodrigo Duterte.
Ginbalewala naman ni Castro ang mga pahayag nga ang pagbasura sa mga complaints batok kay Marcos ang impluwensya sini sa House of Representatives.
Panindugan ni Castro, nga bisan ang indi man tagsakdag ni Marcos ang nagpahayag man nga mahina gid man kag wala sang merito ang natumod nga mga complaints.
