Gina-apelar sa tanan nga nagatambay sa view deck nga likawan ang maglapta sang mga basura.
Ini ang nangin pahayag ni Kapitan Danilo Leguro – Brgy. Paraiso, syudad sang Koronadal, sa interview sang Bombo Radyo Koronadal.
Suno kay Leguro, dapat buligan sang katawhan ang gobyerno nga mapabilin kag mamentinar ang kalimpyohan sang syudad.
Ginpangabay man ni Leguro sa katawhan nga kuntani dal-on na lang nila ang ila mga tagsa nga basura agud malikawan ang pagdamo sang basura sa nasambit nga lugar.
Samtang, ginpaklaro man ni Leguro nga indi sakop sang Brgy. Paraiso ang lugar kun sa diin nakit-an ang madamo nga mga basura nga nagalapta.
Ginpahayag ni Leguro nga preparado ang ila barangay nga magbulig agud mamentinar ang kaayohan kag kalimpyohan sang syudad sang Koronadal.
