Mabaskog nga ginpanginwala ni Acting Justice Secretary Fredderick Vida ang alegasyon nga wala nila gin-updan sang NBI sa pagpangita kay Charlie “Atong” Ang, nga may kaso sa missing sabungeros.
Suno kay Vida, klaro ang mando sang korte nga kinahanglan magbinuligay ang tanan nga law enforcement agencies, kag wala sang direktiba halin sa DOJ nga ilain ang NBI.
Ginpanginwala man niya ang ginpahayag nga may pulong siya sa tunga ni NBI Director Lito Magno.
Ginpahayag niya nga kada ahensya may kaugalingon nga papel sa operasyon kag wala sang opisyal sang gobyerno nga nagahatag sang impormasyon bahin sini.
Ginlunsyar ini nga pagpaathag matapos ang pahayag ni Interior Secretary Jonvic Remulla nga indi siya nagapangayo bulig sa NBI kag nagpaalinton nga likawan ini bangud sa posible nga pag-leak sang impormasyon.
Ginpasiguro sang DOJ nga nagapadayon ang koordinasyon sang tanan nga ahensya suno sa mando sang korte.
