Magatukod sang masobra 300 ka palay processing centers ang gobyerno sa bilog nga pungsod agud mabuligan ang pagsanyog sang palangitan-an sang mga mangunguma.
Suno kay President Ferdinand ”Bongbong” Marcos Jr., ini ang magapasanyog sang post-harvest infrastructure, magapahagan-hagan sang kapyerdehan sa mga mangunguma kag mapabaskog ang national food security.
Pahayag niya, ginmanduan niya si Agriculture Secretary Francisco Tiu Laurel Jr. nga indi niya luyag makita nga ginabulad ang humay sa mga kalsada kag gina-agyan lang sang mga naga-agi nga truck.
Dugang pa sang presidente, gina-modernize sang gobyerno ang kabug-usan nga agricultural system pinaagi sa paghatag sang makinarya sa mga mangunguma, kinahanglanon nga inputs kag crop insurance agud mahagan-hagan ang risgo sa natural nga kalamidad.
