Nagapadayon ang imbestigasyon sang Bureau of fire protection (BFP) angut sa nagluntad nga sunog sa Purok. Triniville Block 1, Barangay Zone 4 sa syudad sang Koronadal kahapon nga adlaw sang Lunes, Enero 12, 2026.
Sa interview sang Bombo Radyo Koronadal kay SFO1 Alexander G. Alinsugay ang Chief Intelligence and Investigation Unit sang BFP Koronadal. Ginpahahyag sini nga nakabaton sila sang report takna alas 3:55 sang hapon sa diin isa ka balay ang nasunog kag gilayon nila gin padulongan ang lugar agud respondehan.
Dugang pa kay SFO1 Alinsnugay, naglab-ot sa 3,750 pesos ang danyos nga naguba sa puluy-an bangud madamo sang gamit ang na sunog.
Sa subong, nagapadayon suno pa ang imbestigasyon kung sa diin nag halin ang sunog.
Nagpanawagan naman si SFO1 Alinsnugay, nga mag halong siguradohon nga wala may naka saksak kung mag hallin sa puluy-an kag mag report gilayon sa BFP para sa gilayon nga pag responde.
