Nagtaas sang 32% ang kaso sang tigdas kag rubella ukon tigdas sa pungsod Pilipinas sang 2025, suno sa pinakaulihi nga datos sang Department of Health (DOH).
Halin Enero tubtob Disyembre sang nagligad nga tuig, nagtupa ini sa 5,123 ka kaso halin sa 3,880 ka kaso nga na-report sang 2024.
Suno sa DOH, kapin sa tunga sang mga nabatian sang sini nga sakit amo ang mga kabataan nga may edad 5 anyos paubos kag mas bata pa sa unom ka bulan.
Kadam-an sang mga kaso, ukon mga 73%, wala nabakunahan batok sa tigdas. Sa Disyembre lang, may nadugang nga 405 ka kaso sang tigdas.
Sa tunga sang pagtaas sang mga kaso sang sini nga sakit, ginahingyo sang DOH ang mga ginikanan nga pabakunahan ang ila kabataan kontra measles kag rubella sa pinakamalapit nga health center.
