Ginpakigbahin sang reigning Lakambini ng Koronadal 2026 nga nakaeksperyensya man siya sang pagpang-bully tungod sa iya buhok kag kolor sang panit.
Ini ang nangin pahayag ni Hamda Zainoor Mir, Lakambini ng Koronadal 2026, sa interview sang Bombo Radyo Koronadal.
Suno kay Mir, indi na bag-o saiya ang pagbaton sang malain nga hambal batok sa iya.
Sa diin sang bata palang ini, naka-ekperyensya na ini sang pagpangbully tungod sa iya kolor kag kulot nga buhok.
Suno man saiya, nagtry na ini siya sang nagkalain-lain nga whitening soap kag pag-straight sang buhok, apang wala ini sang epekto kag nagabalik lang sa dati. Bangod sini, natun-an niya nga i-embrace ukon dawaton ang iya kaugalingon bisan pa nga lain siya sa kadam-an nga mga babae.
Sa subong, ang mga malain nga komento batok sa iya, wala na sang epekto kay natun-an niya nga mangin confident sa iya kaugalingon.
