Nagpatigayon sang Oplan Harabas pinaagi sa inisyatiba sang Land Transportation Office ang Philippine Drug Enforcement Agency – Region 12 sa Public Terminal sa syudad sang Koronadal.
Ini ang nangin pahayag ni Kath Abad, Spokesperson PDEA XII, sa exclusive interview sang Bombo Radyo Koronadal.
Suno kay Abad, tinutuyo sini nga operasyon ang pagtigayon sang random drug testing sa mga sa draybers, dispatcher, kag konduktor sang mga salakyan lakip na ang pagchekyar sa mga bagahe sang mga pasahero angot sa posible presensiya sang iligal nga droga.
Dugang pa niya, ang ini nga tikang yara sa idalom sang layi, sa diin wala ginasugtan ang mga draybers nga magbyahe kun yara sa idalom sang presensiya sang iligal nga droga.
Ginpasiguro man ni Abad nga padayon ang ginapatigayon nga pamonitor kag rehabilitation activities para sa mga drayber, dispatchers, kag konduktors sa mga public terminal sa probinsiya sang South Cotabato.
