Manami gid ini nga oportunidad ang pag patigayon sang Sox Zine Fest bangud matagaan sang chansa ang mga local writers nga mapa gawas nila ang ila mga talento pinaagi sa sulat kag iban pa.
Ini ang pahayag ni Christian Castrunuevo, local writer halin sa Davao City sa interview sang Bombo Radyo Koronadal. Suno kay Christian, ikatalo na siya nag sali Sox Zine Fest nga aktibidad kag iya gid gin preparahan ang iya entry kung sa diin siya mismo ang nag sulat sa iya nga ginhimo kag ini ang may dako repleksyon sa tao kung mabasa.
Dugang pa sa iya, manami gid ini nga aktibidad bangud kung ano ang naga katabo sa kumunidad mahimo ini nag ma sulat nga may yara sang expresyon.
Gina awhag naman ni Christian nga mag partisipar kag mag sali na sa gina patigayon nga Sox Zine fest bangud dako ini nga importansya para sa tanan kag manami nga oportunidad.
