Aminado ang Provincial Security Unit (PSU) sang South Cotabato Provincial Hospital nga may yara sila sang kakulangan sa hugot nga pag bantay sa tion nga natabo nga pag kidnap sang isa ka suspek nga babaye sa isa ka lapsag sa sulod sang nasambit nga hospital.
Sa interview sang Bombo Radyo Koronadal kay Eleuterio Nodado, Chief of the Provincial Security Unit (PSU). Ginpahayag sini nga may gamay nag kakulangan ang iya mga gwardya sa tion nga nag luntad ang ang insidente sang pag kidnap sa lapsag bangud pareho sa soot sang mga impleyado ang ang gin susok sang suspek nga babaye kag wala ini napangitaan sang I’D sa tion nga nag sulod ini.
Dugang pa kay Nodado, naga bulig sila sa pag tumod sa suspek kung sa diin na ini naka palagyo agud maaksyonan ang problema kag matagaan sang kahilwayan ang pamilya nga na biktima sang suspek.
Gina sigurado naman ni Nodado sa publiko, nga mas pasangkadon pa nila kag mas hugtan pa ang pag bantay sa sulod sang South Cotabato Provincial Hospital agud malikayan ang pareho sini nga insidente.
Tatlo naman ka gwardya ang gin kakas sa ila nga trabaho bangud sa natabo nga insidente suno kay Nodado
