Nagapadayon ang maid-id nga imbestigasyon sang Koronadal City PNP sa pag tumod sa suskpek nga babaye nga nag kuha sang lapsag sa bag- o bata nga pasyente sa sulod sang South Cotabato Provincial Hospital kahapon nga adlaw sang Domingo, Nobyembre 23, 2025.
Mahibaluan nga nag bulig sa pasyente ang suspek sa pag proseso bangud bag-o ini nag bata sa nasambit nga hospital, susok naman sang suspek ang pareho nga soot sang mga empleyado sa sulod sang ospital agud nga mapatihan ini nga isa man ka nurse.
Samtang, natingala na ang pamilya sang pasyente nga wala na ang ila nga lapsag matapos nga gin kuha ini sang nag pa kuno kuno nga nurse nga may yara suno pa sang asikasohon sa ila nga bata. Apang sa ila nga pag pangita indi na nila matumod ang suspek bangud naka gawas na ini sa nasambit nga hospital kag nag padaluong sa indi matumod nga mga deriksyon.
Sa subong, padayon nga gina chekyar sang mag kapulisan ang mga cctv footage agud maka hatag sang bulig sa madasig nga pag tumod sa suspek dala ang lapsag.
