Arestado sang Tampakan MPS ang isa ka 36 anyos nga lalaki matapos nga makitaan sang mga ilegal nga sigarilyo sa sulod sang iya nga salakyan sa ginpatigayon nga checkpoint sang mga awtoridad sa Brgy. Poblacion, Tampakan, South Cotabato kahapon nga adlaw sang Lunes, Nobyembre 17, 2025.
Ginkilala ang suspek sa kay alyas nga “Ryan,” 36 anyos, kasado, negosyante, kag residente sang Brgy. San Roque, Koronadal City, South Cotabato.
Sandig sa impormasyon sang mga awtoridad, nagapatigayon sila sang sang checkpoint sa Brgy. Poblacion, Tampakan, South Cotabato, sang na pa pondo nila ang isa (1) ka KIA Bongo truck nga may plate number MAC 5675 nga may karga kuno nga nagkalain-lain nga smuggled nga sigarilyo. Ang truck nagahalin sa Brgy. Poblacion kag padulong sa Brgy. San Roque, Koronadal City, South Cotabato, kag ginamaneho sang kilala sa alyas nga “Ryan,” 36 anyos, kasado, negosyante, kag residente sang Brgy. San Roque, Koronadal City, South Cotabato.
Nadakpan siya sa akto sa plain view nga nagapanag-iya sang isa ka kahon sang Flash Express nga may sulod nga pito (7) ka reams sang white Canon cigarettes kag pito (7) ka reams sang New Berlin cigarettes nga ginkonsiderar bilang smuggled kag may ginabulubanta sa kantidad nga yara sa (Php 10,920.00).
Samtang, ang amo nga mga sigarilyo upod ang pula nga Kia Bongo truck nga may plate number MAC 5675 ipaturn-over sa Bureau of Customs sa General Santos City. Ang amo nga pagdakop ginpamatuoran sa atubangan sang Brgy. Kagawad sang Brgy. Poblacion, Tampakan, South Cotabato.
Ang nadakpan nga suspek kag nakuha nga ebidensya kag dinala sa estasyon para sa nagakaigo nga disposisyon.**
