Napunggan sang mga otoridad sang Ukraine ang pagtangka nga patyon si Ukrainian President Volodymyr Zelenskyy.
Suno kay Vasyl Malyuk, nga amo ang lider sang Security Service of Ukraine (SBU), natabo ang pagtangka sa kabuhi sang ila presidente samtang ara siya sa Rzeszow airport sa Poland.
Ang suspek isa ka Polish citizen kag anay nga suldado nga narecruit pila ka tuig na ang nakaligad.
Isa sa ila mga plano amo ang paggamit sang FPV drones kag sniper nga mga armas.
Ginpangabay ni Zelensky ang SBU kag ang Polish Internal Security Agency tungod sa masadig nga pagdakop sang suspek.
Ini indi lang ang una nga tion nga gintangka patyon si Zelensky kay sang nagligad nga tuig, may mga sundalo man sa Poland nga gin-attemt nga patyon siya.
Kadam-an sang mga nadakpan may trabaho ukon koneksyon sa Russian FSB.
Ara si Ukrainian President sa United Kingdom agud magkit-anay kay King Charles III.
