-- ADVERTISEMENT --
Naglubog ang isa ka cargo ship nga may bandera sang Liberia kag may dala nga delikado nga kemikal sa kadagatan sang Kerala, India, suno sa report sang Indian Navy sang Domingo.
May 24 ka tripulante halin sa iban-iban nga pungsod, upod ang Georgia, Russia, Ukraine, kag Pilipinas nga tanan luwas nga nasalbar sang mga otoridad.
Ang barko nga MSC ELSA 3, nga may 184 metros ang kalaba, naghalin sa Vizhinjam pakadto sa Kochi kag nagpadala sang distress signal sang Sabado.
Nakita ini sang eroplano sang Indian Navy sa 38 nautical miles southwest sang Kochi, kag nasapwan nga yara sa delikado nga kahimtangan.
