KORONADAL CITY — Nagpabutyag saang pasalamat sang isa ka maltreated nga Overseas Filipino Worker (OFW) bangud nga luwas siya nakapauli sa Banga, South Cotabato matapos makabatyag sang pang-aabuso samtang nagatrabaho sa Saudi Arabia.
Madumduman nga nagreklamo si Janica Nomananap batok sa hindi makatarungan kag mapang-abuso nga pagtrato sa iya sang iya ahensya.
Sa interview sa Bombo Radyo Koronadal, ginpahayag niya nga ginapugngan siya nga magsugid parte sa iya tinuod nga kahimtang, ginpapirma siya sang dokumento nga wala ginpabasa, kag ginkuhaan siya sang cellphone agud indi siya makakontak sa pamilya kag magpangayo sang bulig.
Ginpabutyag man ni Janica nga halos isa ka bulan siya ginkulong sa sulod sang opisina sang ahensya, kag ginapilit sila nga magbalik sa mga amo nga ila ginatan-aw nga delikado kag indi na luwas nga lugar para sa ila.
Bisan pa sa tanan, ang madali nga aksyon sang Bombo Radyo Koronadal ang nagbulig agud mahatag sa husto nga ahensya ang sitwasyon ni Janica.
Bangud sini, naluwas siya kag nabalik sa Pilipinas.
Nagpabutyag sang pasalamat ni Janica kag sang iya pamilya sa mga nagbulig sa iya.
Suno sa iya, wala niya gin-expect nga makapauli pa siya nga luwas bangud ginkumpiskar ang iya cellphone sang pagkita sang recruitment agency nga nagalapta na ang iya interview online.
Ginganyat man ni Janica ang gobyerno, labi na ang Department of Migrant Workers (DMW), Overseas Workers and Welfare Administration (OWWA) kag Philippine Overseas Employment Administration (POEA), nga palig-onon ang proteksyon para sa mga Pilipino nga mangunguma sa iban nga pungsod agud indi na maeksperyensya sang iban ang iya nga naagyan.
Nagapangabay man ang pamilya ni Janica nga mas madamo pa nga OFWs ang mabuligan kag mabatian ang ila panawagan sa bulig sang media kag mga ahensya nga may kalabutan.
