Nagapati ang lead counsel ni anay Presidente Rodrigo Duterte nga ang madinalag-on niya nga pagbalik sa politika sa 2025 midterm elections isa ka pahayag sang masang Pilipino batuk sa ginahingyo nga pag-aresto sa iya sang International Criminal Court (ICC).
Sa isa ka pahayag, ginpahayag sang kilala nga international lawyer nga si Nicholas Kaufman nga ang kadalag-an ni Duterte sa Davao City nagapakita sang klaro nga handum sang publiko nga mabalik siya sa liderato kag pagpamatok sa ginatawag niyang pagpanglimbong sang administrasyon Marcos sa legasiya sang anay presidente.
Sang hapon sang Mayo 13 (Martes), pormal nga ginproklamar si Duterte bilang nagdaog nga alkalde sang Davao City matapos magdaug sa isa ka landslide victory sa midterm elections sang Mayo 12.
Base sa opisyal nga city canvass report, nakab-ot ni Duterte ang 662,630 ka boto—daku ang labaw kumpara sa iya kontra nga si Atty. Karlo Nograles nga nakakuha lang sang 80,852 ka boto.
