KORONADAL CITY – Yara na sa kustodiya sang kapulisan ang duha ka drug personality nga naaretso matapos makuhaan sang masobra Php340,000 kantidad sang shabu sa ginpatigayon nga drug buy-bust operation sa Purok Maunlad Barangay Silway 8, Polomolok, South Cotabato.
Ginkilala ang mga nadakpan nga sanday alyas “RonRon”, 25-anyos, HVI, kag residente sang Brgy. Calumpang, General Santos City kag si alyas “Dapdap”, 22, babae, SLI, nga residente naman sang Brgy. San Jose, General Santos City.
Naaresto ang mga ini sa ginpatigayon nga joint operation sang Regional Police Drug Enforcement Unit 12 (lead unit), Police Drug Enforcement Group-Special Operation Unit 12, Regional Special Operations Group 12, Regional Intellignece Division 12 kag Polomolok MPS.
Narekober sa mga suspek ang buy-bust money, 7-selyado nga plastic sachet nga may unod nga 50 gramo sang shabu nga may standard drug price na Php340,000, kag iban pa nga non-drug item.
Natalana naman nga magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 ang mga suspek.
