-- ADVERTISEMENT --
Nagapadayon ang imbestigasyon sang mga otoridad sa nagluntad nga pagpangluthang-patay sa isa ka negosyante pasado alas-6 sang gab-i, Biyernes, Disyembre 6, 2024 sa siyudad sang Tacurong.
Ginkilala ang biktima nga si Rel Blanco, may asawa kag residente sang Doña Aurora Street, Poblacion, Tacurong city.
Nagluntad ang pagpangluthang samtang sakay sang ila salakyan papuli ang biktima upod ang asawa sini sa bahin sang Corner Quirino Avenue, Alunan Highway, Purok 6, Tacurong City.
Sa karon, padayon pa nga ginahibalo ang identity sang suspek nga nagpangluthang-patay sa biktima.
Maayo na lamang kay nakaluwas ang asawa sini sa nagluntad nga krimen.
Sa karon, ginahibalo pa sang kapulisan kun ano ang motibo sa pagpatay sa biktima.
