Ginpasalamatan sang Department of Finance (DOF) ang World Bank-International Bank for Reconstruction and Development.
Ini ang bangod sa nagin pangako sini sa pagkay-o liwat sang tatlo ka libo nga climate resilient school nga nagin apektado sang asud-asud nga mga bagyo.
Una na sini nagpirma si Finance Secretary Ralph Recto sa isa ka financing agreement kaupod ang World Bank-International Bank for Reconstruction and Development nga siya ang magapundo sa nasambit nga proyekto.
Kabilang sa mga pagahimuon ang repair, rehabilitation, retrofitting, kag reconstruction sa mga nsambit nga bulutuan halin sang tuig 2019 tubtob 2023.
Suno kay Recto, kaupod sang pungsod ang World Bank-International Bank for Reconstruction and Development sa tikang na ini nga himuon ang climate resilient ang Pilipinas.
Madako man suno pa ang mabulig sini sa pagdako sang ekonomiya sang pungsod.
Ang kabug-usan nga proyekto ang nagabalor sang $555.56 million samtang ang iban nga gastos nga kinanglan ang paga-gastusan sang gobyerno.
