Nagapakita sang mabaskog nga kampanya ang Houston Rockets sa pagsugod sang 2026-2027 NBA season matapos pangunahan ang Western Conference nga may rekord nga pito ka kadalag-an kag isa ka kapierdihan.
Nagasunod sa Rockets ang Memphis Grizzlies nga may 6-1 record kag Portland Trail Blazers nga may 4-1 nga rekord.
Tabla naman sa ikaapat nga pwesto ang Los Angeles Lakers, Oklahoma City Thunder kag San Antonio Spurs nga may tagsa ka lima ka kadalag-an kag duha ka kapierdihan.
Sa Eastern Conference, Philadelphia 76ers ang nagapanguna nga may 7-1 record, samtang yara sa ikaduha nga pwesto ang Detroit Pistons nga may 6-1.
Nagsunod naman ang Boston Celtics nga may lima ka kadalag-an kag duha ka kalutusan.
Samtang ginapangunahan ni Luka Doncic sang Los Angeles Lakers ang liga sa scoring average nga 38.3 puntos kada hampang.
Nagasunod sa iya si Stephen Curry sang Golden State Warriors nga may average nga 30 puntos, samtang yara sa ikatlo nga pwesto si Tyrese Maxey sang Philadelphia 76ers nga may 29.1 puntos kada hampang.
Padayon naman nga ginabantayan ang mangin performance sang mga koponan kag players samtang nagapadayon ang NBA regular season.
