Nagdangat na sa masobra 68 million ang registered voters para sa 2025 national and local elections (NLE) kag Bangsamoro Parliamentary Elections suno sa Commission on Elections (Comelec).
Sa datos nga ginpakigbahin sang Comelec sa media, makita nga tubtob October 31, naglab-ot na sa masobra 68. 6 million ang rehistrado nga mga botante. Sa nasambit nga numero, masobra 33.6 million ang lalaki kag 34.9 million naman ang mga babaye.
Ginbaton sang 1,667 ka mga office of election officers (OEO) ang mga registrations.
Na-record sa Region IV-A (Calabarzon) ang pinakamataas nga numero sang mga registrants nga yara sa 9.7 million. Ginsundan ini sang Region III (Central Luzon) nga may 7.7 million; kag Region I (Ilocos Region) nga may 3.6 million.
May pinakamanubo naman nga numero sang mga registrants ang Cordillera Administrative Region nga may 1.1 million.
Nagsugod ang voter registration period para sa May 2025 midterm elections sang February 12 kag natapos sang September 30.
