Ginpasiguro ni Pangulong Ferdinand Marcos Jr. nga maga-endorso siya sang isa ka kandidato para sa 2028 presidential elections, apang masyado pa ka temprano para hingadlan niya ini bangud madamo oa sang mahimo nga matabu sa pulitika.Pag-athag sang Pangulo, wala pa man sang pormal nga pagsugilanon sa sin-o man nga politiko tuhoy sa pagdalagan sa pagka-pangulo.
Suno kay Marcos, ginalantaw sang iya partido, ang Partido Federal ng Pilipinas (PFP), ang mga posible nga alyansa sa iban pa nga political parties. Suno sa iya, sa karon madamo nga pangalan na ang nagalutaw kag ginahiwat man ang mga survey para matakus ang ila suporta. Apang, ginsiling sang Pangulo nga indi pa maathag kon ano ka mapuslanon ang karon nga mga survey bangud madamo pa sang political events nga mahimo makaapekto sa mga mangin desisyon.
Sa karon, suno sa iya, “puro huring- hirung lang” ang mga sugilanon tuhoy sa iya mangin endorso. Suno sa Pangulo nga tuyo sang iya partido nga magpili sang pinakasampaton nga kandidato nga magapadayon sang mga nasuguran nga programa kag inisyatiba sang iya administrasyon.
