-- ADVERTISEMENT --
Ginapanginwala ni Vice President Sara Duterte ang mga alegasyon nga indi estable ang dalagan sang iya pinsar.
Ini ang depensa sang bise presidente matapos gin-kwestyon sang mga kritiko sini ang iya ginpakita nga pamatasan kag ginbuy-an nga mga tinaga kontra kay Pangulong Ferdinand Marcos, Jr.
Suno kay Duterte, indi ini sang buang, luka-luka ukon may saltik sa utok.
Posibli wala pa sang may nakasugata ang mga politiko nga kapareho sa iya nga wala sang preno kag wala mahadlok sa mga ginabuy-an nga mga tinaga.
Matandaan nga una na ginpakamalaot ni Justice Secretary Boying Remulla si VP Duterte bangud sa mga tirada sini sa pamilya Marcos kag ginlaragway pa ang bise presidente nga may indi estable nga dalagan sang paminsaron.
