KORONADAL CITY – Nagsungka na sa mga otoridad ang suspek sa pagpangluthang patay sa isa ka lalaki sa bahin sang Purok Maria Rosa Village, Brgy. Poblacion, Polomolok, South Cotabato.
Ginkilala sang mga otoridad ang biktima nga si Dexter Ramos, 19 anyos, residente sang Purok Manatad, sang nasambit nga barangay.
Ginkilala ang suspek nga si Rodan Dawang nga nag surender sa mga kapulisan.
Suno pa sa suspek nakomiter sini ang krimen bangud sa selos kag pagpalangga sa babaye.
Ginpahayag pa sini nga asawa sini ang ginalive-in sang biktima.
Makapila naman ka bes naman suno pa nga naghangyo ang suspek sa biktima nga indi pag-idayon ang pagpakig relasyon apang nagpakatig-a suno pa ini kag padayon nga naga pakigrelasyon sa may bana na nga babaye.
Sa subong ara na sa kamot sang Polomolok PNP ang suspect kag kaso nga Murder naman ang igapasaka batok sa suspect.
Madumduman nga nag-agom sang igo sa ulo ang biktima nga nangin kabangdanan sang kamatayon sini
