Preparado ang pamunuan sang Provincial Disaster Risk Reduction Management Office (PDRRMO)- South Cotabato sa pagresponder sa anu man nga mga untoward incidents sa tion sang tig-ululan.
Ini ang gipasiguro ni Rolly Doane C. Aquino- PDRRMO South Cot. sa interview sang Bombo Radyo Koronadal.
Suno sa iya, ang PDRRMO Responders lakip na ang tanan nga mga katapo sang C/MDRRMO, BFP, PNP kag bug-os nga Provincial Disaster Risk Reduction and Management Council.
Naka alerto naman ang tanan nga trained responders labi pa ang South Cotabato Search and Rescue/Retrieval Operations Team sa tion nga kinahanglanon ang mga ini.
Bastante man ang mga bulig nga mahimo ihatag sang ila nga pamunuan sa tion nga may ara sang mapagkit nga magbalakwit sa tagsa tagsa ka mga evacuation centres agud mahatagan ang mga ini sang mga naga kaangay nga bulig parehas sang pagkaun kag mga gamit pangtulog sang ila tagsa tagsa ka mga pamilya.
Nagpaalinton man ini sa tanan nga mga residente nga malapit sa mga nabukid nga bahin kag mga sapa nga mag ulualigmat sa tion nga magsaka ang lebel sang tubig kag mga serye sang pagkatiphag sang bahin sang bukid
