Nagluntad ang trahedya sa Spain matapos magbungguanay ang duha ka high-speed train sa lugar sang Castilla-La Mancha, nga nagresulta sa kamatayon sang 64 ka tawo kag pagkasamad sang kapin 100 pa ka iban.
May yara sang kapin 100 ka pasahero ang mga tren sang natabo ang aksidente, samtang gilayon nga nagresponde ang mga otoridad agud luwason kag mahatagan sang bulig medikal ang mga biktima.
Ginpahamtang man ang mga helicopter agud madasig nga madala sa mga ospital ang mga pasahero nga nag-angkon sang pilas.
Bangud sa kadamuon sang mga nasamaran, nanawagan si Castilla-La Mancha President Emiliano García-Page sa publiko nga magdonar sang dugo agud mabuligan ang mga nagakinahanglan sang pagpaagas sang dugo.
Samtang, nagpaabot naman sang ila pagpakig-unong kag pagpangamuyo ang mga lider sang Europa, upod na ang Royal Family sang Spain, para sa mga biktima kag ila mga pamilya.
Ginalauman man nga magkadto sa lugar sang trahedya si Spain Prime Minister Pedro Sánchez.
Padayon naman ang imbestigasyon sang mga otoridad agud mahibaluan ang rason sang nasambit nga aksidente.
