Ginapreparar na sa subong sang pamunuan sang Tantangan PNP ang kaso nga ipasaka batok sa grupo nga yara sa likod sang serye sang motornapping incidents sa nasambit nga banwa.
Ini ang ginpahayag ni PMaj.Erika Vallejo- Hepe sang Tantangan PNP sa interview sang Bombo Radyo Koronadal.
Suno pa sa hepe,posible nga isa ka organisado nga grupo suno pa ang sa likod serye sang carnapping kag motornapping incidents sa South Cotabato.
Dugang pa, isa ka organisado nga grupo ang suspeks sa incidente kag natumod na ini sang mga otoridad sa diin mga inisyal na nga impormasyon ang mga otoridad sa nasambit nga grupo.
Ginpahayag pa sini nga maga patuman pa sang mas masangkad kag hugot nga checkpoints ang mga otoridad agud nga malikawan kag madali madakpan ang mga kriminal nga yara sa likod sang nasambit nga krimen.
Madumduman nga napatay sanday Levimar Moderacion, 33-anyos, may asawa kag residente sang Barangay Paraiso, Koronadal City kag Daryll Nuqui, isa ka Grade 12 student, kag residente sang Brgy. Bukay Pait, Tantangan, South Cotabato.
Kadungan sini, ginpasiguro man sang opisyal sa nabikin nga pamilya sang tagsa ka biktima nga magapatigayon sang maidid nga imbestigasyon ang kapulisan agud nga madakpan ang mga suspek.
Sa pagkamatuod, nagpatigayon sang pagsinapol ang alkalde kaupod ang kapulisan, allied forces kag mga barangay officials agud makahimo sang paagi nga indi na magluntad pa ang kasubong nga krimen.
Ginhingyo man sang alkalde ang kooperasyon sang tanan agud nga madakpan ang mga suspek kag indi na magluntad pa liwat.
