Pinaagi sa DNA analysis, natukiban nga isa ka babaye ang ginapatihan nga lalaki nga hippopotamus sa isa ka zoo sa Japan matapos ang pito ka tuig.
Ang 12-anyos nga hippo nga ginkilala kay Gen-chan, ang nag-abot sa Osaka Tennoji Zoo sadtong 2017 gikan sa Africam Safari animal park sa Mexico, kun sa diin may opisyal nga dokumento ini nagapamatuod nga lalaki ang lima ka tuig sadto nga hippo.
Matapos ang pila ka tuig, naglibog ang ulo sang mga zookeeper bangud indi nila makita ang kinatawo sang lalaki kay Gen-chan.
Wala man nila makita ang behaviour sang isa ka lalaki nga hippo kaangay sang paghimo sang teritoryo kag pagpangaluyag sa mga babaye nga hippopotamus.
Bangud sini, nag-request sila sang DNA testing kay Gen-chan kag didto nila nga nadiskubre nga babaye gali ang hippo.
