-- ADVERTISEMENT --

Nagpasalig ang Pilipinas kag Japan nga palaparon pa ang ila pagbinuligay sa nagkalain-lain nga sektor matapos ang bilateral meeting nanday Presidente Ferdinand Marcos Jr. kag Japanese Prime Minister Sanae Takaichi sa Manila.

Ginhisgutan sang duha ka lider ang mga isyu sa rehiyon kag ang pagpalig-on sang relasyon sang ila mga pungsod, ilabi na sa seguridad, enerhiya kag ekonomiya.

Suno kay Takaichi, handa ang Japan nga palalumon pa ang partnership sang duha ka pungsod bilang Comprehensive Strategic Partners, agud masuportahan ang kalinong kag estabilidad sa rehiyon.

Nagtambong man ang Japanese Prime Minister sa ASEAN Gala Dinner nga gin-host ni Marcos, upod ang iban pa nga mga lider kag representante sang nagkalain-lain nga internasyonal nga organisasyon.