-- ADVERTISEMENT --

Nagpabutyag sang pagpasalamat si Presidente Ferdinand Marcos Jr. sa mga ahensya sang gobyerno, mga personahe sa seguridad, boluntaryo, media kag iban pa nga mga mamumugon nga nagbulig sa madinalag-on nga pagpatigayon sang ika-49 nga ASEAN Summit and Related Summits sa Pilipinas.

Ginkilala sang Presidente ang ila amot sa pagmentinar sang kahusay kag kaluwasan, subong man sa mainit nga pagbaton sa mga lider kag delegado halin sa nagkalainlain nga mga pungsod.

Ginpasalamatan man niya ang publiko, ilabi na ang mga pumuluyo nga naapektuhan ang adlaw-adlaw nga mga hilikuton kag pagbyahe bangud sang mga pagpanghanda para sa summit.

Suno kay Marcos, nangin madinalag-on ang pag-host sang Pilipinas bangud sa pagbinuligay sang gobyerno kag mga pumuluyo.