-- ADVERTISEMENT --

Ginpabaskog ang Pilipinas kag Japan sang ila kooperasyon sa sektor sang enerhiya agud malikawan ang kakulang sang suplay sang petrolyo sa tion nga may mga disruption sa pangkalibutanon nga merkado.

Gin-anunsyo ni Japanese Prime Minister Sanae Takaichi ang plano sa pagtukod sang “Asia Oil Security Task Force,” nga magahimo sang mga polisa sa paggamit kag pagpaambit sang pungsodnon nga reserba sang gatong sa tion sang mga emerhensya.

Tuyo man sang Japan nga gamiton ang mga pasilidad sa pagtipig sang gatong nga wala ginagamit agud mapasangkad ang kabug-usan nga kapasidad sang pagtipig sang gatong sang rehiyon.

Samtang, si Presidente Ferdinand Marcos Jr. nagpahayag nga ang Pilipinas nagapreparar sa pagtukod sang iya kaugalingon nga Strategic Petroleum Reserve o SPR agud masiguro ang nagakaigo nga suplay sang krudo, apesar sa atubang sang posible nga mga pagkatublag sa pangkalibutanon nga suplay sang gatong.

Ginhatagan man pagtamod ni Presidente Marcos ang pagkabukas sang pungsod sa pagbaton sang mga puhunan kag pagbuligay sa Japan sa patag sang renewable energy, natural gas, kag pagtipig sang enerhiya, nga may katuyuan nga mapabaskog pa gid ang seguridad sa enerhiya sang Pilipinas.