KORONADAL CITY – Duha ka sibilyan ang ginbawian sang kabuhi samtang isa naman ang yara sa kritikal nga kondisyon sa nagluntad nga pagpangluthang sang nakainom nga pulis ala-1:41 sang kaagahon sa Barangay Osias, Kabacan, Cotabato, Agosto 31,2024.
Ginkilala sang kapulisan ang mga napatay nga sanday Akmad Ali Salimula kag Mama Sandigan, lunsay 40-anyos, kasado, driver kag residente sang Central Malamote, Matalam, Cotabato samtang ang pilason amo si Norhan Katom Makakua, 25-anyos, may asawa kag konduktor sang Mindanao Star Bus.
Sandig sa imbestigasyon sang Kabacan PNP, nagaisahanon nga nagainom si PCapt Romel Magdato Guhiling, 47-anyos nga residente sang Brgy. Nes, Midsayap, Cotabato sa lugar sang nag-abot ang grupo sang mga biktima nga nagainom man.
Sa tunga sang pag-inom sang mga ini nagkainitan ang grupo sang mga biktima kag ang pulis nga gintunaan sang pagpangluthag sa mga biktima.
Gilayon nga gindala sa pinakamalapit nga hospital ang tatlo apang dead on arrival ang duha sa ila kag padayon pa nga ginabulong ang isa sa mga ini.
Ginkumpirmar man sang PNP nga nakadestino ang nasambit ngabing pulis sa Kabacan MPS nga boluntaryo man nga nagsungka dala ang iya nga issued firearm.
Sa karon naka-detain na sa Kabacan MPS ang pulis samtang nagapadayon ang imbestigasyon sa krimen.
