Ginbuyagyag sang controversial police colonel nga si Jovie Espenido sa Quad Committee nga bangud sa quota kag reward system gin-abuso sang mga pulis ang ila nga gahum nga naglab-ot sa pagpang-abuso sang tawhanong kinamatarong sang nilibo ka mga biktima.
Ini ang sabat ni Espenido sa pamangkot ni Ako Bicol Rep. Raul Angelo “Jil” Bongalon.
Ginpahayag ni Espenido nga nasubuan ini nga madamo nga mga inosente nga sibilyan ang napatay bangud sa pagpang-abuso nsag mga pulis sa ila nga otoridad.
Gin-insister pa ni Espenido nga ang mga tawo nga nakapalibot kay anay Pangulong Rodrigo Duterte ang gahaman sa kwarta kag posisyon.
Dugang pa ni Espinido nga makaluluoy ang mga nangin biktima para lamang makabaton sang reward.
Nagapati si Espenido nga may paglapas sa tawhanong kinamatarong sa drug campaign sang Duterte administration.
Nahibaluan suno pa ni Espenido nga sang kasagsagan sang madugo nga drug war madamo ang nagprotesta batuk sa paglapas sa tawhanong kinamatarong.
