Yara na sa kustodiya sang mga otoridad ang duha ka persona nga naarestar sa ginpatigayon nga buy-bust operation sang Koronadal City Police Station Drug Enforcement Unit kaupod ang iban pa nga units kag PDEA 12 sa Purok Gracia Villa, Barangay Zone 1, Koronadal City.
Ginkilala ang naaresto nga si “alias Ta-ta”, yara sa legal nga edad kag residente sang nasambit nga lugar samtang nakapalagyo naman ang kaupod sini nga ginkilala kay alyas Tobol.
Narekober sa suspek ang nagkalain-lain nga sachet sang suspected shabu kag drug paraphernalia.
Sa karon, natalan nga pasakaan sang kaso nga paglapas sa R.A. 9165 ang suspek.
Sa pihak nga bahin, isa man ka suspek ang naaresto sa Purok Kaunlaran, Barangay New Iloilo, Tantangan, South Cotabato, sa pagpanguna sang Tantangan MPS.
Gin-implementar sang mga ini ang warrant of arrest batuk sa 31-anyos nga residente sang Pinagbakahan, Malolos, Bulacan,sa pagbayular sa R.A. 9262.
