-- ADVERTISEMENT --
Nagdaog sang award ang actress nga si Kim Chiu sa Seoul International Drama Awards 2024.
Nakuha niya ang Outstanding Asian Star award tungod sa iya role bilang Juliana Lualhati sa drama serye nga “Linlang”.
Sa iya social media account, ginpakigbahin niya ang imbitasyon nga nabaton halin sa Korean-based awards-giving body.
Dako gid ang iya pasalamat sa mga fans kag supporters nga wala untat nga nagasuporta sa iya mga proyekto kag drama serye.
Nag-abot man ang madamo nga pagdayaw halin sa nagkalain-lain nga mga kaupdanan sini sa Showbiz sang nag-post ang actress.
