Ginbida ni Pangulong Ferdinand Marcos Jr., sa iya nga State of the Nation Address (SONA) ang nagkalain-lain nga proyekto kag programa sang gobyerno para magbaskog pa ang sektor sang agrikultura kag agud nga makab-ot ang food security sang pungsod.
Ginpahayag sang Pangulo nga pagatutukan sang iya nga administrasyon ang pagpasanyog sa lokal nga produksiyon.
Magluwas sa mga proyekto, gin-insister man sang pangulo ang bug-os nga suporta sang gobyerno sa mga mangunguma kag mangingisda kasubong sang pagpanagtag sang 100 milyon nga kilo sang mga nanari-sari nga binhi, abono kag iban pa agud nga aliakwan ang pagkaguba sang mga produkto.
Nanghatag man ang gobyerno sang masobra 300 mil nga mga baboy agud mapadamo pa.
Masobra sa 500 ka milyon nga fingerlings kag tatlo ka libo nga bangka ang napanagtag para sa mga mangingisda.
Nakabulig man ang mga ginahimo nga pagkay-o sa mga fish ports nga may tinutuyo nga masuportahan ang fishery industry.
Ginpabugal man sang Pangulo nga matapos naman ang yara sa 1,200 kilometer farm to market roads sa bug-os nga pungsod nga makabulig sang dako agud madala sa merkado ang mga produkto nga pang agrikultura.
